Proxecto educativo

La Salle é unha institución implantada en 80 países que se dedica á educación baseada nos valores humanos e cristiáns. Entre os seus obxectivos encóntrase o de potenciar o desenvolvemento de capacidades, habilidades e destrezas para que cheguen a ser personas autónomas, competentes, creativas e implicadas na construción dunha sociedade máis xusta e solidaria. Como institución está aberta á contorna e atenta ás demandas e necesidades do mundo educativo, laboral e empresarial, así como comprometida en levar adiante o seu proxecto como comunidade educativa. Para isto conta cun equipo de calidade profesional e humana enfocados na mellora continua e a innovación.

La Salle, desde a tradición e a innovación, quere ser unha escola que prepara para a vida. Por iso, sensible a unha sociedade cambiante, dotouse de dinamismos que permiten aos nosos alumnos o desenvolvemento de competencias e capacidades dentro dun contexto de aprendizaxe que ten moi presentes as demandas sociais.

NCA é un modelo de escola que contempla un marco pedagóxico e pastoral, con identidade propia, que presenta unha proposta organizativa, metodolóxica e avaliativa clara, que outorga sentido pleno á educación da persoa abordando de forma integral as súas dimensións emocional, cognitiva, corporal, social ou espiritual, ao longo das diferentes etapas do seu desenvolvemento.

Fundaméntase sobre principios pedagóxicos e ámbitos didácticos que poñen os alumnos no centro da aprendizaxe, propoñen ao educador como guía e mediador deste proceso, e ás familias como axente activo participante nel.

.Desde a Boa Noticia de Xesús de Nazaré, propoñemos e vivimos, en todo o noso labor educativo, os valores da fe, o servizo e a comunidade, a través da proximidade, o acompañamento e a atención aos máis necesitados.