Coñécenos
La Salle sempre ''mira más aló''
A nosa historia
A nosa historia nace da man de san Xoán Bautista de La Salle, Fundador do Instituto dos Irmáns das Escolas Cristiás e Patrón dos Educadores Cristiáns. Nacido na localidade francesa de Reims en 1651 e falecido cerca de Rouen en 1719.
Empeñado en deixarse empapar pola realidade que lle tocou vivir, mirar máis aló e dar unha resposta desde a educación aos que máis o necesitaban, san Xoán Bautista e os seus Irmáns lograron con éxito crear unha rede de escolas de calidade que hoxe está estendida por todo o mundo e que segue facendo realidade o seu soño e misión.
En España, a presenza lasaliana comezou en 1878, cando algúns Irmáns chegaron a Madrid para encargarse do Asilo de Orfos do Sagrado Corazón de Xesús. Viñan da man da dama burguesa Dª Ernestina Manuel de Villena, que os coñecera en Francia e quixo aproveitar as súas dotes pedagóxicas nunha das súas obras de caridade.
Hoxe, o que empezou con unha obra multiplicouse en máis de 120 que salpican a nosa xeografía.
Carisma lasaliano
O carisma lasaliano é o espírito que move o corazón da familia lasaliana. Maniféstase no modo de sentir e mirar a vida e, de modo máis concreto, nunha sensibilidade especial ante as necesidades educativas de nenos, nenas e mocidade, especialmente dos que padecen maiores carencias.
O carisma promove a responsabilidade de buscar solución ás necesidades que se formulan e xera a creatividade que fai eficaces as respostas.
O carisma enraízanos na comunidade: é a forma de vida e o modo de educar da comunidade lasaliana.
O carisma lasaliano formula o desafío constante de converter cada obra ou proxecto de educación nun proxecto de evanxelización, onde a persoa é o centro do proceso e onde Xesús, e o seu Evanxeo, é o horizonte que o orienta.
Familia lasaliana
Un lasaliano é calquera persoa que se sente parte da familia lasaliana a través dunha relación afectiva ou institucional, e que contribúe, dunha maneira ou doutra, a dar resposta ás necesidades dos nenos, nenas, mocidade e adultos, especialmente dos máis excluídos da sociedade.
A familia lasaliana está aberta á colaboración con outras institucións que traballan na construción dun mundo mellor e máis humano. Así, coopera con todas as persoas de boa vontade e de diversas tradicións relixiosas, desde unha perspectiva intercultural de encontro, diálogo e paz.
Comunidades lasalianas
O proxecto educativo lasaliano estivo ligado historicamente a unha comunidade que buscou vivir e desempeñar a súa misión desde criterios de fraternidade e evanxélicos. Durante case tres séculos, estas comunidades estiveron formadas soamente por Irmáns.
Nos últimos anos, a comuñón para a misión impulsou a participación no carisma lasaliano de novos membros. Isto fixo que nazan comunidades mixtas, formadas por Irmáns con asociados e otros lasalianos, e comunidades integradas só por asociados e outros lasalianos.
A Rede de Comunidades Lasalianas organízase en trece zonas nas que se reparten as comunidades. Estas son as zonas: (1) Andalucía Occidental; (2) Andalucía Oriental; (3) Canarias; (4) Madrid; (5) Valencia-Teruel; (6) Baleares; (7) Catalunya; (8) La Rioja-Zaragoza; (9) Gipuzkoa; (10) Bizkaia; (11) Cantábrico; (12) Valladolid; (13) Galicia-Portugal.
Vocacións lasalianas
En La Salle, a “cultura vocacional” enténdese como un ambiente social e humano, xerado na contorna dunha comunidade ou unha obra educativa, que promove a concepción da vida humana como vocación. É un ámbito que permite a cada individuo, crente ou non crente, descubrir o sentido da súa vida e vivilo con paixón.
A vocación lasaliana concíbese aberta a “todos”. Toda persoa ten unha vocación e está chamada a vivila e a compartila, coherente coa súa forma de pensar, sentir e actuar.
A vocación é un proceso que dura toda a vida. Non se reduce a unha única experiencia puntual. Máis ben, percíbese como una sucesión de chamadas e respostas, nun diálogo en liberdade, entre Deus e cada ser humano, que se concreta nunha misión, que ha de descubrirse continuamente nas diversas etapas da vida e en contacto coas novas realidades.
Así, como lasalianos, podemos vivir o noso compromiso coa misión desde distintas vocacións, tendo un carácter de recoñecemento público as de Irmán e asociado ou asociada.
Organización interna
