La Salle Sector Valladolid

O Sector Valladolid de La Salle forma parte da Rede de Obras Educativas La Salle en España e Portugal, e abarca unha amplia zona xeográfica do noroeste peninsular. Está composto por 14 obras educativas repartidas entre Galicia (dous centros en Santiago de Compostela e un en Ferrol), Asturias (La Felguera e Gijón), Cantabria (Santander e Los Corrales de Buelna), Castela e León (Astorga, dous en Palencia, un en Burgos e dous en Valladolid), e un en Barcelos, Portugal. Esta diversidade territorial achega unha riqueza cultural e humana que fortalece a identidade común do sector e potencia a misión educativa lasaliana en contextos variados.

O forte espíritu comunitario que se vive nas súa comunidades de irmáns e asociados, presentes en varias das obras educativas, son testemuño vivo do carisma de La Salle e do compromiso cunha vida fraterna, sinxela e entregada ao servizo dos demais. A súa presenza alimenta a vida espiritual e pastoral dos centros; ofrece unha referencia sólida de acompañamento, acollida e misión compartida, sendo tamén motor de moitas iniciativas educativas, sociais e pastorais que buscan transformar a realidade desde a fe e a fraternidade.

A sede do sector encóntrase en Valladolid, na rúa Arca Real 201. Nesta mesma situación está a residencia de Arcas Reales, tamén coñecida como Casa Parmenia. Trátase dun espazo de paz e natureza nas aforas da cidade, que cumpre funcións clave dentro da organización: acolle os Irmáns maiores, é o centro administrativo da rexión noroeste da Península e funciona como lugar habitual para encontros formativos, reunións institucionais e retiros. Arcas Reales simboliza o espíritu de acollida, comunidade e misión que caracteriza a La Salle.