Rede de comunidades lasalianas

O proxecto educativo lasaliano estivo ligado historicamente a unha comunidade que buscou vivir e desempeñar a súa misión desde criterios de fraternidade e evanxélicos. Durante case tres séculos, estas comunidades estiveron formadas soamente por Irmáns.

Nos últimos anos, a comuñón para a misión impulsou a participación no carisma lasaliano de novos membros. EIsto fixo que nazan comunidades mixtas, formadas por Irmáns con asociados e outros lasalianos, e comunidades integradas só por asociados e outros lasalianos.

A Rede de Comunidades Lasalianas do Distrito Arlep está formada por:

• Comunidades de Irmáns.
• Comunidades de asociados segrares.
• Comunidades de Irmáns, asociados segrares e/ou outros lasalianos.
• Outras comunidades lasalianas intencionais que teñan manifestado o seu desexo de integrarse na rede e, unha vez aceptadas polo Irmán Visitador Titular e o seu Conslljo, teñan explicitado o seu compromiso de integración a través das estruturas que se establezan para a organización da Rede de Comunidades Lasalianas.

Esta rede organízase en “zonas comunitarias”. A zona comunitaria é unha agrupación de varias comunidades lasalianas do Distrito, que pretende a coordinación e a busca de sinerxías para apoiar a vida das comunidades e fortalecer as respostas ás necesidades da misión na zona xeográfica onde se sitúan ditas comunidades.

O total de comunidades lasalianas están repartidas en trece zonas comunitarias.

O acompañamento institucional e persoal dos Irmáns e asociados segrares está a cargo do Irmán Visitador Titular, dos Irmáns Visitadores Auxiliares e do director de comunidade.

Ademais, existe a figura do Animador de Zona, que é o delegado do Irmán Visitador Titular para a animación e o acompañamiento desa determinada zona, sobre todo, no relacionado con aspectos intercomunitarios.