La Salle Acción Social

Deixarse impresionar pola realidade e ofrecer unha resposta desde a educación

La Salle Acción Social

La Salle Acción Social ten como misión atender os que máis o necesitan. Desde as obras socioeducativas e as ONGD lasalianas, os colexios e campus universitarios, SalleXove e as comunidades, La Salle destina os seus esforzos a dar resposta aos problemas que formula a realidade social con distintas accións e iniciativas.

Documentos de referencia:

Documento marco de Incidencia Social en La Salle

Documento marco La Salle Acción Social

Documento marco Voluntariado en La Salle

Educación na Xustiza, Solidariedade e Paz en La Salle

Obras Socioeducativas

As obras socieducativas proxectan a súa acción social a través da intervención psicosocioeducativa con infancia, adolescencia, familia e persoas adultas; a intervención en espazos residenciais de menores e de emancipación da mocidade e personas adultas; a intervención sociolaboral, a participación e acción comunitaria, a acollida, protección, promoción e integración a personas en situación de vulnerabilidade, a sensibilización nos colexios e campus universitarios, tanto do alumnado como dos educadores e as familias; e a oferta de voluntariado a mocidade e adultos, educadores dos colexios, campus universitarios ou de outros contextos.

MáIs información

ONGD

Levamos a cabo a acción social desde as nosas ONGD grazas á posta en marcha de proxectos de cooperación ao desenvolvemento; a realización de campañas de sensibilización e incidencia política; ofrecendo alternativas de voluntariado a persoas no ámbito nacional ou internacional; e promovendo o comercio xusto e o consumo responsable.

MáIs información

Colexios e campus universitarios

Nos nosos colexios e campus universitarios é acción social a sensibilización a través de materiais específicos propostos polas ONGD, as obras socioeducativas, os lemas do curso ou a reflexión sobre situacións do día a día. Ademais, facemos un achegamento á realidade, xa sexa levándoa ao ámbito escolar ou indo alí onde se encontra, como propón o plan de educación na xustiza, solidariedade e paz. Ofrecemos propostas de accións solidarias asociadas ao currículo, á dinámica dos grupos de SalleXove e tamén experiencias de voluntariado. E todo, tendo moi en conta, a proposta experiencial e interdisciplinar que propón o modelo pedagóxico Novo Contexto de Aprendizaxe (NCA).

SalleXove

Desde SalleXove a acción social realízase a través de programas de voluntariado dentro do Plan de Acción Social e de voluntariado de verán, que achega os máis mozos/as a campos de traballo, obras socioeducativas lasalianas ou intervencións internacionais.

Comunidades

As comunidades lasalianas realizan acción social converténdose en comunidades de acollida de mocidade e familias migrantes; apoiando a colexios e obras socioeducativas lasalianas ou non lasalianas; participando nas actividades das ONGD lasalianas ou non lasalianas; desenvolvemendo accións de voluntariado noutras entidades como Cáritas, ou espazos como parroquias, cárceres, bancos de alimentos; e realizando voluntariado internacional.